(l. 1949, MD)
Poeti samuraj in actus
(Poetul samurai in actus)
Gjer t’i shembej trupi
shpirti i ra para këmbëve si një
balonë e djegur mëndafshi.
Korb në dimër
(Corb în iarnă)
Ftohtë sa kërcet trungu.
I ngjethur korbi rri me
kokën
nën sqetullën e zezë të
flatrës a thua
se po
rri
me
sqepin ngulur
në
zemrën e vet.
Hamleti plak
(Hamlet cel bătrân)
Si
edhe zotnitë tuaja
njihja
vetem Hamletin e ri
prore
i ri
por
– befasi e madhe – takoj
Hamletin
e plakur
më
i rëgjuar e më pa fuqi se Mbreti Lir
i
botës së Shekspirit.
„Ç’po
mendon?” e pyes
„Të
rrosh a të mos rrosh?”, më tha Hamleti Plak
siç
shekuj më parë
përgjigej
duke
pyetur
Hamleti
i Ri.
29.IV.1986
Buzë poemës
(Pe marginea poemului)
poeti
rrëmon
thellinat
e
poemës
së
vet
anës
së cilës
buzë
së cilës
kuptohet
do
ta
p u
s h k a t o j n ë
Statistikë
(Statistică)
Mërgimtarë, ikanakë, emigrantë…
Vjet
në kërkim të një vendi pune
ikën nga atdheu drejt katër erërave
dyqind mijë njerëz…
„Më mirë të isha bërë shitës valixhesh”
thotë i zhgënjyer
shitësi i karrocave për fëmijë…
10.II.2013
În albaneză de A.-Ch. Kuciuk