Poetja Mushata Matei
(Muşata Matei), lindur më 8 gusht
1989, studion në University College London (Angli) për ekonomi
dhe biznes. Ka mbaruar shkëlqyeshëm Bellerbys College Cambridge
(Student of th Year Award – 2009), ku, paralelisht me ekonominë dhe
matematikën (më 2007 ka fituar medaljen e bronzit në konkursin e matematikës së
lartë në Britaninë e Madhe) ka vazhduar studimet për letërsi dhe sociologji.
Ish-nxënëse në liceun “Prometeu” të Kishinjevit (Moldavi), në vitet 2005-2007 u
dallua si fituese në olimpiadat e gjuhëve dhe letërsive rumune, frënge dhe
angleze, sidhe në olimpiada dhe konkurse të tjera ndërkombëtare. Nga viti 2009
është bursiste e Fondacionit Dinu Patriçiu (Rumani).
Në vitet 2007-2008 ka
debutuar me përkthime nga veprat e 22 poetëve amerikanë dhe me poezi të vetat.
Më tej përktheu në anglisht poetë të shquar rumunë, si Luçian Blaga, Nikita
Stanesku e të tjerë.
Mushata Matei shkruan
vjersha dhe ese në rumanisht, anglisht e frëngjisht dhe ka qenë redaktore e
letërsisë në revistën Le Mag, që del në Londër në gjuhën frënge.
Krijimet e saj janë
botuar në revistat “Poezia” dhe “Feed Back” (Jash, Rumani), “Porto Franco”,
“Dunărea de Jos” (Danubi i Poshtëm), Galac (Rumani), “Revista nouă” (“Revista e
re”), Kampina (Rumani), “Le Mag” (Londër), në almanakun “Basarabia literară”
(“Basarabia letrare”), Alba Iulia, 2008 (Rumani) etj. Është e pranishme edhe në
vëllimin “Dialoguri socratice” (Dialogje sokratike), Galac, 2010.