e çfarë nëse ai
skalitësi i fjalëve
s’është lindur për kohën e jetës së vet?
mbi kohë
një kafshëzë shtëpiake me sy të verdhë e flokët shtëllungë
një
rrugaç i vogël
ngelës në të gjitha
do t’i lerë llastiqet mënjanë dhe do ndriçojë
me dritën e syvë të vet
fletët e librit
si në njëfarë metastaze.
që ku deti mblidhet kutullaç dhe kalliri ngre ballin
kurse qielli
e
mbështet kaltërsinë
vetëm në zogj këngëtarë.